„Ново наследство“: циркуларни модни решенија за намалување на загадувањето со микропластика
На 11 јуни 2026 година, Текстилното трговско здружение – Текстилен кластер, во соработка со Универзитетот „Мајка Тереза“ во Скопје, ја организираше работилницата „Ново наследство: циркуларни модни решенија за намалување на загадувањето со микропластика“, во рамки на проектот MISSION4WATER.
Настанот ги обедини студентите, академскиот кадар, експертите и проектните партнери во дискусија за одржливата мода, управувањето со текстилниот отпад и влијанието на синтетичките текстилни влакна врз загадувањето на водата со микропластика.
Во практичниот дел, студентите користеа вратоврски со семејна и лична вредност како основа за развој на современи модни решенија. Преку истражување, скицирање, кроење и шиење, тие создадоа нови дизајни од текстилен отпад и природни материјали, поврзувајќи ги културното наследство и принципите на циркуларната мода.
Работилницата ја истакна важноста на соработката меѓу образованието, науката и индустријата во развојот на одржливи решенија за намалување на текстилниот отпад, емисијата на микропластика и загадувањето на водните ресурси.
Повеќе информации: „Ново наследство“: циркуларни модни решенија за намалување на загадувањето со микропластика
